Alwida Great Boxing Champion Muhammad Ali – Some Tribute Words

Some Tribute Words

 

 

 

 

Nahi Rahe Boxing Champion Muhammad Ali

 

Boxing ki dunia ke sabse bade bhagwan Muhammad Ali nahi rahe. Yeh khabar jab faili to duniya bhar me unke chahney walo ke beech me shok ki lehar fail gayi. Muhammad Ali Pichle 32 saal se parkinson disease namak laailaj rog se pidit thea. Muhammad Ali ne laghbhag 20 saal tak boxing ring par raj kiya. Iss mahan champion ne 74 saal ki umar me apne chahney walo ko hamesha ke liye alvida kah diya. Laghbag 6’3″ height le Muhammad Ali ka asli naam Cassius Clay tha. Iss Mahan khilari ne ashveto ke adhikaro ke chalte 1964 me apna dharam badal kar islam dharam kabool kar liya aur Cassius Clay se Muhammad Ali ban gaye.

Muhammad Ali 22 saal ki umar me pehli bar world heavy weight champion bane. Muhammad Ali ne 1964 me yeh pehla khitab jeeta. Iske baad 1974 me dusri bar aur 1978 me teesri bar is khitab par kabja jamaya. Aisa karke unhone world me apni takat ka johar dikhaya aur boxing ko ek naya aayam diya. Unhone 61 mukabalo me se 56 mukable me jeet darj ki. Muhammad Ali ring me apini titli si udan aur madhumakhi ki tarhe dank marne wale boxer ke roop me famous ho gaye.

Muhammad Ali ke bare me ek kissa mashur tha. Jab veh 12 saal ke thea to unki cycle chori ho gayi. Iski shikayat ali ne ek police man se ki aur unse chor ko dhundne ke liye kaha aur kaha ki jab chor mile to veh khud uski dhunai karega. Veh police man ek boxing trainer tha usne Muhammad Ali se kaha ki tum kaise dhunai kar sakte ho pehle tum boxing seekho. Iske baad hi Muhammad Ali ne boxing banne ki rah ko chuna aur ek mahan boxer bankar ubhre.

Muhammad Ali ne rang bhed ke khilaf hamesha ladai ladi. Unhone ashweto ke adhikaro ke liye hamesha hi apne aap ko age rakha. Amrika me jab rang bhed bahut adhik faila hua tha us samay 1960 me Rom olympic me gold medal jeetne ke bad amrika ke ek restaurent me dinner ke doran waiter ne ashvet hone ke karan order lene se jab inkar kar diya to iss apman se ahat hokar Mohmad Ali ne hotel se bahar aakar apna medal yeh kehte hue fek diya ki jis desh me rang bhed itna havi ho vaha ka medal muzhe nahi pahnna.

Alwida Great Boxing Champion Muhammad Ali
Alwida Great Boxing Champion Muhammad Ali

 

Muhammad Ali hamesha hi apne fans ke dilo me jinda rahenge. Boxing ki duniya me Muhammad Ali hamesha hi ek chamakte sitare ki tarhe apna sthan banaye rakhenge aur bahut sare naye aur purane boxer ke prerna dayak bane rahenge.

Alwida Champion Muhammad Ali

17 January 1942 – 3 June 2016

July 3, 2017 sharanpal

Leave a Reply

Your email address will not be published.