Pet Ki Gas Ke 20 Gharelu Upchar

Gas Ki BimariPet Ki Gas Ke 20 Gharelu Upchar

Pet Ki Gas Ke 20 Gharelu Upchar

 

1. Gas se bachney ke liye vishesh kirya jo sabhi ko yaad rehni chahiye ki khana khane ke baad seedhe let kar 8 lambe sans le fir dahine side let kar 16 lambe sans le aur ant me bayi side let kar 32 lambe sans le. Aisa karne se bhojan theek jaghey par pahunch jata hai aur gas usi samay nikal jati hai.

2. Jin logo ko gas ki bimari ho un logo ko narangi ka sevan karna chahiye isse gas ki bimari theek ho jati hai.

3. Jin Logo ko Gas ki samasya lagatar bani rehti hai unko seb ka ras lagatar lena chahiye. Seb ka ras pachan ango me patli teh chada deta hai jisse aante infection aur badbu se bachi rehti hai aur gas banna band ho jata hai. Seb ka ras peene ke baad garam pani peene se aur adhik labh hota hai.

4. Gas ki samasya me amrud par sendha namak lagakar khane se bhi yeh samasya theek ho jati hai.

5. Gas ki samasya me pyaz khana bhi accha rehta hai. Pyaz bhojan ki ruchi utpann karta hai, Bhookh ko badata hai aur khane ko pachane me sahayak hota hai. Yeh liver aur pitt ko uttejit karke unhe adhik kaam karne ke yogye banata hai. Pet se gas ko bahar nikalta hai aur pet dard aur afara ko door karta hai.

6. 50 gram pudina, 1 glass pani, 10 gram adhrak aur 5 gram ajwain sab ko pani me ubalkar isme adha cup dudh aur thoda sa gurd milakar peene se gas ki samasay me labh hota hai.

7. Subhe khali pet 1 glass pani me lagbhag 30 gram pudine ka ras aur itna hi shahed milakar peene se gas ki bimari me bahut labh hota hai.

8. Gas hone par muli par namak, kali mirch lagakar khane se kuch hi dino me yeh samasya theek ho jati hai.

9. Gas ki samasya me gvar pathey ka taza ras 5 chamach, 2 chamach shahed aur adhe nimbu ka ras milakar 2 bar subhe aur shaam peete rehne se sabhi parkar ke pet ke rog theek ho jate hai.

10. Baccho ke pet me gas ki samasya hone par raat ko 1 chamach saunf adha cup pani me bhigo de aur subhe masal kar chan le. Iss pani ko dudh me milakar pilane se baccho ka pet fulne, Gas banna aur pet ka dard theek ho jata hai.

11. Karele ki sabji khane se ya karele ka ras peene se yeh samasya theek ho jati hai. karele khane se pachan shakti bad jati hai.

12. Lambe fresh bengan ki sabji lagatar khane se gas ki bimari theek ho jati hai aur pani peene ke baad pet fulne ki samasya me bhi aram milta hai.

13. Jin logo ko gas banti ho un logo ko arhar ki daal nahi khani chahiye.

14. Pet par nabhi ke charo aur daye se bayi aur malish karne se labh hota hai.

15. Khana khane ke baad roz 20 gram gurd khane se pet ki gas me bahut aram milta hai.

16. 5 Gram haldi aur 5 gram namak garam pani ke sath lene se turant gas me rahat milti hai. Aisa karne se pet ke dard me bahut aram milta hai.

17. Heeng ko garam pani me gholkar nabhi ke aas paas lep karne se pet ke dard me rahat milti hai aur gas bhi nikal jati hai. 1/2 gram bhuna hua heeng kisi bhi cheez ke sath khane se gas ke rog me bahut labh hota hai.

18. Gas ki lagatar samasya hone par 10 kali mirch garam pani me nimbhu nichod kar subhe aur sham ko lene se gas ki samasya theek ho jati hai.

19. 2 chamach sukha hua dhaniya 1 glass pani me ubal kar chan kar us pani ko teen bar barabar matra me peene se gas ki samasya me bahut labh hota hai.

20. Kala namak aur kali mirch ka pani peene se bhi gass ki samasya theek ho jati hai. Gas se agar pet me dard hota hai to thodi si matra me dalchini lene se bahut hi labh hota hai.

You May Read :

बवासीर के 15 अचूक घरेलु इलाज

ठंडाई पीने के १० फायदे

Ganne (Sugarcane) Ke Gun Aur Gharelu Ilaj

Aam (Mango) Ka Lacchedar Achar Kaise Banaye Recipe

Moong Daal ka Halwa – सरल विधि

Danto Ko Safed Aur Chamakdar Banane Ke Easy Tips

April 30, 2017 sharanpal

Leave a Reply

Your email address will not be published.